Eta doea roepa panjakit tea beunang didjaga, dioebaran koe tarekah, koe hade piaraanana, komo lamoen noe asal (toeroenan) hade, ditambah koe hade moelasarana, djadi tikel-menikel hadena. Koe lantaran didjaga djeung ditarekahan tea, tetendjoanana, pamilihna tangtoe sedjen ti boedak anoe goreng ngadjagana atawa piaraanana. Geuning kembang ros beureum oge beunang diome, kembangna bisa djadi aloes djeung warna-warna.
Kitoe deui baroedak Soenda anoe hade ngoeroesna, bisa oge mapakan ka oerang Eropa.
Sabalikna lamoen boedak henteu hade ngoeroesna, tangtoe geringan berewit réa kasakit. Pagegedeanana goreng adat djeung sok belet atawa lembek pikiranana, babari ngalampahkeunana kagorengan, babarian kagoda, babarian kaolo, napsocna djadi gede tara katahan koe tanaga pikiranana, da geus lembek ti leuleutik. Tah kitoe pahamna Raden Docter Saleh.
Djeung saoer anoe paham kana perkara oeroesan maladjaran baroedak (opvoedkundige), ingetan noe terang atawa ati noe padang teh, ajana di noe badanna waras. (Een gezonde zielisin een gezond lichaam).
Aja deui saoer anoe pinter, ati padang toer waras badan, eta manoesa sampoerna. (Een gezonde zielin een gezond lichaam, dat is de volkomen mensch).
Anoe ngarang mendakan tjarios, di Europa aja hidji toean djenenganana Thomas Alva Edison, iboena hidji goeroe sakola. Eta Toean Edison disakola-
