BOEBOEKA
Ieu boeboeka dingaranan boekoe " Kaoetamaan Istri" batjaeun baroedak sakola djeung kolot-kolotna.
Naon ari anoe djadi kaoetamaan istri?
Eta roepa-roepa, babakoena noeroetkeun :
1. Bangsana ; bangsa menak atawa santana atawa abdi-abdi, bangsa soedagar, anoe tani.
2. Adat djeung kabiasaan, dina hidji-hidji nagara, koemaha katjaraanana di dinja (tjiri saboemi tjara sadesa).
3. Paladjaranana ti boeboedak, djeung tjatjampoeranana.
Tatapi ari anoe djadi poko mah, ngan saroepa, nja eta njaho kana kaperloeanana noe djadi awewe, tjara pangkat atawa anoe djeneng oeninga ngadjalankeun kawadjibanana, djeung ngadjalankeun kersa anoe ti pajoen.
Naha teu aja, awewe oerang priboemi, anoe geus kaseboet oetama kitoe ?
Ih, dimana-mana oge geus aja, ngan lamoen dibandingkeun djeung reana tjatjah djiwa di Pasoendan anoe geus kaseboet oetama teh, ngan saeutik keneh pisan.
Demi rereana bangsa menak djeung noe baleunghar, noe gede pakeunna, pikeun njieun kaoetamaan tea atawa kasenanganana.
Eta bangsa menak ti moerangkalihna keneh geus meunang pangadjaran ti iboe-ramana atawa ti sepoeh sepoehna, Ari djaman ajeuna geus loembrah poetra-
