djati kasilih koe djoenti, atawa tangkal eleh koe mangandeah, batoe toeroen keusik naek.
Mangga eta tjarios oerang loeloeskeun.
Naon saenja-enjana anoe diseboetkeun pangadjaran?
Ari anoe diseboet pangadjaran, nja eta pangarti atawa parabot pikeun meresan, ngahadeãn djeung ngamadjoekeun sagala roepa atawa perkara.
Saroepa kai keusrak beunang dilimitan nja eta koe soegoe, tangkal keri koedoe digemoek, djelema goreng beunang diwarah, noe bodo koedoe diadjar; koe sabab eta pangadjaran teh beuki aloes, beuki hade tapakna, atawa beuki hade kadjadianana.
Djadi oepama bangsa oerang ditoengtoen-toengtoen sakoemaha mistina sakoemaha pêrloena, dibere pangadjaran anoe hade diwoeroekan ti boeboedak, adatna ge djadi hade, pamilihna bener, pikiranana terang.
Anoe geus kitoe djadi pinter bageur ngaranna.
Anoe pinter bageur tara njoesahkeun batoer, tara ngawiwirang batoer,
hade atina manis boedina,
hade lakoe lampahna lemes adatna,
bisa njoekakeun ka pada kaoela,
njaho di tata basa, anoe hade keur ka saloehoereun djeung keur ka sahandapeun. Djeung rea-rea deui djaba ti eta tandana djelema anoe pinter.
Djadi pendekna djelema atawa bangsa anoe geus madjoe teh, sakabeh palinter awewe lalaki teu tinggaleun koe anoe pada palinter nadjan bangsa sedjen, menak-menak tambah moelja, soedagar tambah baleunghar, abdi-abdi soegih moekti.
