Sabeunang-beunang koedoe singkahan,
oelah rek rĕsĕp koekoesoemahan,
anak intjoe teh koedoe pagahan,
leuwih hade koeli njiar oepahan.
Hoekoemna halal taja tjatjadna,
sabab rĕdjĕki ladang kesangna,
laoen-laoen djadi beungkarna,
lamoenna leukeun bisa neundeunna.
Karana lamoen hese ngalana,
nja kitoe deui hese bidjilna,
tina karasa hese tjapena,
tangtoe diitoeng oentoeng-roegina.
hĕnteu soesah pandjang tjarita,
sadajana oge geus manggih njata,
noe meunang waris poesaka harta,
babari leungit sakitjeup mata.
(Tjarita Abdoerrahman djeung Abdoerrahim).
Tah kitoe wandana sja'ir téh, beda deui djeung wanda kasoesastraan dina djaman Hindoe.
Djaba ti eta pirang-pirang kĕtjap wĕdalan Arab anoe dipidangkeun di dieu, sapĕrti: Oemar Sanoesi, ahir, salamĕt, Djapar, Noeroedin,
- Seh Abdoelkarim, masakat, oemoer, elmoe sihir, nabi,
- oemat, haram, hoekoem, halal, rĕdjĕki, waris.
Njalawat tjandrawati.
Memeh proeng njalawat, koedoe ngoekoes heula, dibaroeng koe djampena, anoe kieu pokpokanana:
Bismillahirrohmanirrohim.
- Boel koekoes ratna dewata, dewata noe nanggeuj kĕmbang, ratna ::kamara mĕpĕkan, mĕpĕkan para dewata, para dewata manana ::loengsoer, rek njanggakeun pangbakti, pangbakti anoe pasti, ::panĕda ka para dewata, noe nitih di lĕmah poeth.
