Kaca:Kasoesastran Soenda II.pdf/60

58

teu atjan paham Soenda,
moen manggih basa noe koesoet,
noe maos masing boedjangga.

(Wawatjan Ahmad Moehamad, aksara Arab, ka-
rangan . . . . . . . . . .).

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 Anoe diberendelkeun bieu teh, nja eta tjonto-tjonto manggalasastra (pangangkat tjarita) anoe winangoen dangding. Moen koe oerang ditěngětkeun, tangtoe baris kanjahoan, jen pokpokanana pangangkat tjarita beda deui djeung padika kaajeunakeun. Nilik tjonto-tjontona tadi, noe ngarang teh biasana sok sandoek-sandoek heula, sasadoe něda hampoera, bisi basana djanggal atawa teu loejoe djeung salian ti eta.

 Kětjap-kětjap wědalan Djawa, ngan saoekoer hidji-doea, oepamana kětjap noewoen; dina tjonto-tjonto anoe bieu, noe loba teh wědalan Arab.

 Anoe djadi poko, ngaberendelkeun tjonto-tjonto di loehoer teh, babakoena pisan mintonkeun manggalasastra, anoe gělar dina dangding.

BASA SANDI.

Kinanti.

Anoe noelis dja katoendjoeng,
wa tjampaka ra malati,
ja tjampaka matining ha,
noe eukeur diadjar nganggit,
aja di dajeuh Limbangan,
moegi-moegi maksoed hasil.

(Warna Sari karangan Raden Lenggangkantjana,
taoen 1912).

 Tah ieu tjontona basa sandi; harina rasiah. Dina dangding anoe bieu aja ngaran rasiah (sandi asma), nja eta ngaran noe ngarang, anoe oenina hěnteu ditěmbrakkeun sahinasna. Djadi sandi asma teh boekaeun anoe maratja.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .