Lompat ke isi

Kaca:Kasoesastran Soenda II.pdf/63

Ti Wikipabukon
Ieu kaca geus divalidasi

61

Asmarandana.


Eusina moestika warni,
mědaling toja pawendra,
noehoen njai anoe model,
poen ěngkang teh něda maap,
wireh ngabědah lawang,
lawang ěngkang anoe ngaroem,
roengroeman poedjaning atma.

(Wawatjan Ahmad Hoehamad, aksara Arab).
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Sinom.


Estoe sakti mandra-goena,
pilih tanding hingadjoerit,
ngěreh pirang-pirang radja,
soemoedjoedna wědi asih,
tina manahna adil,
wěning manahna sang wikoe,
tapi iasa pisan,
ngaběběrah manah istri,
wantoe ratoe estoe těrahing koesoemah.

Djaga moen rek tjarogean,
goesti kědah nitik milih,
noe lěbět kana tjatjandran,
satria opat pěrkawis,
ari anoe kahidji,
noe koe tjatjandran disěboet,
satria lir koekila,
ari kadoeana deui,
noe disěboet satria kadi wanita.

Noe katiloe tjatjandranna,
satria kadi rětnadi,
silokana noe kaopat,
kang kadi tjoeriga goesti,