Kaca:Kasoesastran Soenda II.pdf/96

95

Beh lěbakna tembong dina lamping,
ngarěnggěněk moal boa Ngamplang,
ka mana-mana kasohor,
těmpat rěsmi toer lindoek,
didjaroegdjoeg ti mana-měndi,
koe noe ngadon titirah,
ngarah hawa goenoeng,
matak sěgěr kana badan,
matak djagdjag ka sakoer noe hoedang gěring,
noe matak kaseundeuhan.

Reret deui kana pasir-pasir,
lolobana pinoeh koe kontrakan,
noe bakoe kontrakan ěnteh,
kakajon tingroenggoenoek,
roepa-roepa warnaning kai,
tjamara reudjeung mala,
djeungdjing reudjeung gintoeng,
pasělang djeung kingkilaban,
tingharělab daoenna katěbak angin,
siga noe ngagoepajan.

Tambah lila beuki kělar ati,
beuki antěng njawang padataran,
kahibaran lajoeng koneng,
Tjimanoek tambah loetjoe,
oela-ileu teu pati sidik,
doemeh geus meh reupreupan,
liwat toenggang goenoeng,
halimoen ěnggeus mindingan,
ngahalangan noe keur pogot sono asih,
měgatkeun kani‘matan.

 Barang geus harieum beungeut, bring sarerea ka pangandjrěkan. Sanggeus ngobrol, brak sarerea dalahar. Teu lila antarana, geus ngagodjod disarimboet, ambeh boeroe-boeroe sare, da rek hoedang soeboeh-soeboeh.

(Soengkěman, beunang ngatoer R. I. Adiwidjaja)