Ieu kaca geus divalidasi
Di nu mampuh atawa nu aya pakeunna, sasadiaan pikeun ngaruat teh leuwih pepek, nya eta:
- Cangkrub (cai diwadahan dina bokor, diteundeunan duit, biasana tengahan tilu).
- Boeh dua samping.
- Samak weuteuh dipake ngagulung anggel weuteuh.
- Pare dua geugeus.
- Kalapa samanggar (nu gangsal).
- Cau katut tangkalna (biasana sapasang di kenca-katuhu).
- Tiwu koneng leunjeuran (sawareh sok jeung daun-daunna).
- Haur-koneng (haur-geulis).
- Daun kamuning.
- Daun kelewih.
- Daun hanjuang.
- Janur kalapa.
- Jukut palias.
- Mayang jambe
- Hayam hirup.
- Bokor dieusi beas, endog, kanteh jeung duit sabaru.
- Pangradinan minyak seungit (pangradinan = wadah nu dieusi parabot paranti ngageulis, kayaning: sisir, eunteung, sipat, wedak, jeung sapapadana).
- Kembang warna tujuh, biasana kembang nu ilahar di urang, upamana bae malati, campaka, kananga, tanjung, sedep-malem, mandakaki jeung jaksi; jadi lain aster, nyelir, arond-skelk, crysant, vioolces, jeung kembang "nagri" lianna.
- Rujak tujuh rupa (biasana gulana ku gula kawung), kayaning rujak kalapa, honje, gedang jeung rea-rea deui.
- Duwegan meunang mapas tapi can dibobok.
- Jajambaran (paso) dicaian make rampe.
- Kendi kosong dituruban endog.
- Puncak manik (tungtung congcot).
- Tumpeng rasul.
- Congcot tujuh rupa nu laleutik.
- Sambara cobek.68
