Si mulus si terus nanjung,
si lingsing si pait daging,
si genjah si paliang tulang,
si manis arum wawangi,
pangeunteupan pangharepan,
anaking jimat awakin.
Nya hidep panyambung galur,
nya hidep panyilih getih,
hujaran manjang turunan,
pamatri tatali rabi,
pananggeuyan rumah tangga,
panggeuing batin kaeling.
Mangka ajeg laur tangtung,
mangka reugreug lahir batin,
ngambah jagat pawenangna,
saingkig nepikeun harti
salengkah nepakeun luang,
ajirna diri pribadi.
Hirup dituturus umur,
disaksi giliran wanci,
ngababakan kamanusan,
bari ngarti jeung kaharti,
nepungkeun aing jeung urang,
matanggelang repeh rapih.
Guguru ka lauk laut.
sanajan eaina asin,
awakna teu katepaan,
mandiri dina pribadi,
mangpaat keur anu lian,
jadi pamungpungan asih.
Cukup dikidungan waktu,
lalakon bungah jeung sedih,
mun geus balik tinggal ngaran,
bandunganeun nu pandeuri,
antara datang jeung mulang,
didinya datangna budi.
|
Semoga mulus abadi
selamat dunia akhirat
harum semerbak mewangi
hidup dengan bahagia
Engkau penerus turunan
pematri perjodohan
penopang berumah tangga
peringatan tali batin
Semoga dalam keteguhan
selamat lahir dan batin
selama hidup di dunia
tiap langkah punya arti
menyebarkan yang berguna
berpedoman pada diri
Hidup dibatasi umur
terikat uluran waktu
perjalanan manusia
menyatunya jiwa raga
hidup dalam kerujukan.
Turuti ikan di laut
biar air laut asin
narnun tak terpengaruhi
dirinya tidak berubah
berguna untuk yang lain.
Cerjta suka dan suka
setelah hidup berakhir
tinggal keharuman nama
anak cucu mengikuti.
|
