Kaca:Puisi Sawer Bahasa Sunda.djvu/246

BAB V TEKS PUISI SAWER MENURUT JENIS

5.1 Puisi Sawer Khitan

No. :1
Penutur :Ny. Wartika; P
Umur :45 tahun
Pekerjaan :Juru sawer
Tempat : Tasikmalaya

1. Kalayan asma Pangeran
   nu maha asih tur heman
   ayeuna bade ngawitan
   nyawer anu disepitan.

2. Sami-sami ngahadiran
   muga-muga janten jalan
   mukakeun jalan pikiran
   hingga caang narawangan

3. Para saderek sadaya
   istri pameget nu mulya
   nyepitan jiga teu pira
   seueur jalma nu mokaha

4. Padahal mun dilenyepan
   ku pikiran anu tenang
   ieu teh tos janten korban
   kuat nahan ti Pangeran.

5. Ibuna sareng ramana
   nyaahna kabina-bina
   ka anu janten putrana
   dijaga sapapanjangna.

6. Ti barang gubrag ka dunya
   dipangga didama-dama
   diperhatikeun biangna
   dijaga sapapanjangna.

7. Mun reungit eunt reup ka budak
   enggal ibu gugah cengkat
   reungit enggalna ditepak
   bari diusap ku wedak

8. Sang ibu tibra kulemna
   budak nangis ngagandengan
   enggal dirampa putrana
   da bisi baseuh imbitna

237