Kaca:Puisi Sawer Bahasa Sunda.djvu/247

9. Mun baseuh enggal diganti
   ku nu garing ati-ati
   tos beres disimpen deui
   kana tempal anu tadi
   

10. Ningal kanyaah ibuna
    ka putra nu saestuna
    nya kitu deui ramana
    sami-sami teu aya bentenna
    

11. Barang nineak dua taun
    malar ibu ramana bingung
    hariwangna teu kalangkung
    soalna parantos umum
    

12. Budak kedah disepitan
    bari hajat sukan-sukan
    sakapeung sok raramean
    pesta bari pepeuneitan
    

13. Sanajan anu teu boga
    tapi sok saaya-aya
    dahar ngumpul jeung baraya
    ngondangan para tatangga
    

14. Putra anu dipusti-pusti
    anak lalaki ngan hiji
    dipotong harita pasti
    motongna manggil paraji
    

15. Budak eeurik jejeritan
    nyerieun antep-antepan
    getih banjir na lahunan
    ngan saukur diupahan
    

16. Ibu rama ngawas-ngawas
    ka putra anu dipiwelas
    harita dugi ka iklas
    henteu risi henteu reuwas
    

17. Nu puguh mah sabalikna
    bungahna kabina-bina
    lantaran atos laksana,
    nyunat nujanten putrana
    

18. Cobi ayeuna lenyepan
    ku kaom nu ngaku Islam
    nu parantos disepitan
    nganggo pesta sukan-sukan
    

19. Na ieu teh tos sampurna
    ku pesta sareng sunatan
    bari ku daek sunatna
    sumawonna sareng jakatna
    

20. Rukun Islam dipililian
    asal ngeunah eeuk sorangan
    eukup pedah tos disunatan
    teu kudu loba pikiran
    

21. Make jeung ungked-ungkedan
    samak hayoh diciuman
    da ganjaran pamohalan
    ngagubrag kana lahunan
    

22. Hirup mah cenah da gampang
    entong make halal haram
    nu datangna sambarangan
    ngahalangan kamajuan
    

23. Agama dianggap satru
    sabab ngahalangan napsu
    nujahat ngalajur napsu
    taya bedana jeung asu
    

24. Asal dahar jeung pakean
    nu jadi poko pikiran
    hirup henteu jeung aturan
    sungkan di hukum ugeran

238