Kaca:Puisi Sawer Bahasa Sunda.djvu/249

41. Jeung urang teh tosdisunat
    ibu rama atos hajat
    kawin ge maca sahadat
    ana kitu kade lepat

42. Eta teh papagon Islam
    nyata hukum ti Pangeran
    kari-kari dipilihan
    neangan nu hampang gampang

43. Mun kitu taya gunana
    sunatna jeung sahadatna
    malahan tambah dosana
    Islam sakadar ngaranna

44. Panutup urang ngado’a
    ka Pangeran Anu Mulya
    murangkalih sing waluya
    dirahmat ku Nu Kawasa

45. Singjanten hiji pamuda
    pamuda harepan bangsa
    bela agama jeung nusa
    keur ujang tong asa-asa

46. Beban anu dipayunan
    ku ujang bakal kasorang
    seueur cobaan rintangan
    lamun kurang-kurang iman

47. Didu'akeun ku sadaya
    ujang sing janten nu mulya
    tukang nulung ka baraya
    nyaahna ka balarea

48. Sim kuring bade pamitan
    ka sadaya nu mayunan
    tamat sawer nu nyepitan
    cacap dugi ka wekasan

49. Mugi ngahapunten wae
    margina sim kuring cape
    lebih tina basa sae
    untung teu kasima oge

No.	:	2
Penutur	:	Odang Ridwan; L
Umur	:	40 tahun
Pekerjaan	:	Juru sawer
Tempat	:	Bandung

Jemplang Karang

1. L Awit'nyebat Asma Gusti
   neda rahmat ti Nu Henian
   rek medar kabungah hate
   reueus pinuh kabagjaan
   ayeuna geus mustarina
   anaking manjmg rahayu
   salamet diberesihan
   Nimang

2. Keur alit Addy ditimang
   mun rungsing diayun ambing
   sepuh teh teu weleh mejang
   wiang wengi pada ngaping

3. Ayeuna Addy tos jangkung
   los salamet disepitan
   ku wargi diriung-riung
   Papah Mamah bungah pisan

4. Ka Gusti Mamah ngadu'a
   Addy teh sing enggal damang
   masing sehat salirana
   pait daging pahang tulang

240