Kaca:Puisi Sawer Bahasa Sunda.djvu/251

11. Ngabrul saparakanca
    hoyong terang ka putrana
    anu disepitanana
    muji sukur sadayana
    

12. Muji sukur ka Yang Widi
    putrana mugi abadi
    Sing tiasa mawa diri
    sing jadi jalma nu ngarti
    

13. Ku Asep masing kaharti
    catet dina jero ati
    ditampi ku ati suci
    pepeling ti paru wargi
    

14. Para wargi sadayana
    disuhunkeun pidu'ana
    putrana hoyong sampurna
    kana pakasabanana
    

15. Lamun kasab kana tani
    mugi sing cucud sing uni
    dikadarkeun sugih mukti
    nyukup indung bapa nini
    

16. Lamun kasab kana dagang
    dipaparin caang padang
    rikrik gemi bati dagang
    mere maweh ka nu anggang
    

17. Mun loyog kana ngawula
    sarupi jadi kapala
    jauhan nu matak bahla
    ka wargi sing bisa bela
    

18. Lamun loyog nyantri
    sing bisa mawa pangarti
    supaya jadi pamatri
    diiiring ku suci ati
    

19. Suci ati diamalkeun
    kalawan diiaksanakeun
    supaya ulah carekeun
    ambeh euweuh nu ngomongkeun
    

20. Lamun ngomong anu baleg
    mun Asep diajar tableg
    ulah jeung tebeberegeg
    sumawonna jeung ngalegeg
    

21. Ngalegeg ka babaturan
    moal aya nu maturan
    pikiran jadi kapiran
    bongan salah pangaturan
    

22. Pangaturan lamun jujur
    sareng batur tangtu akur
    akuran ka unggal lembur
    sangkan Asep subur ma'mur
    

23. Subur ma'mur loh jinawi
    pinterna mawa pangarti
    komo lamun bisa ngaji
    toh eta elmu sajati
    
    

24. Sajati elmu ti Gusti
    ku Asep masing kaharti
    mawana sing ati-ati
    ueap lampah masing surti
    

25. Sing surti pikiran
    percaya damel Pangeran
    tuduhan hadits jeung qur'an
    wahyu ka nabi panutan
    

26. Panutan urang sadaya
    mani ear balarea
    dibuka sagala aya
    qur'an hadits anu mulya

242