Kaca:Puisi Sawer Bahasa Sunda.djvu/259

No.	:	4
Penggubah	:	Rd. H. Tingting; P
Pekerjaan	:	Karyawan BP-4
Tempat	:	Tasikmalaya

1. Pun sapun ka Sang Rumuhun
   ka Batara ka Batari
   ka Batara Maha Dewi
   nu ngancik di bumi suci
   nu nyaangan alam padang
   jin kahiangandedemit

2. Neda agung nya paralun
   neda danapangaksami
   agung ka para juragan
   jembar kadang kulawargi
   anu sami ngaluuhan
   mugi ulah kmgkin galih

3. Jisim abdi bade kaul
   atawa nekanan jangji
   wirehing awaling alam
   nu gumantung dina ati
   manawi pareng laksana
   pinanggih baring supagi

4. Dikadarkeun panjang umur
   tur makbul maksuding ati
   wirehing awaling azam
   nu gumantung dina ati
   manawi pareng taksana
   pinanggih baring supagi

5. Hariring ngawih pangrungrum
   ngarungrum nu nembe sumping
   nu sumpiog ti pamidangan
   panganggo siang karoneng
   ting poncorong kawas bentang
   lir emas sinangiing

6. Baeu Enung jantung kalbu
   dunungan lahir jeung batin
   panutan ibu jeung rama
   baeu Ai geura linggih
   ieu Ama bade miwejang
   ka Ujang reujeung ka Nyai

7. Rungukeun piwuruk sepuh
   sepuh nu wajib mepeling
   mepeling ka para putra
   ku putra pameget istri
   tampanan ieu piwulang
   piwulang anu peryogi

8. Sangkana diri rahayu
   rahayu tur manggih mukti
   muktina dunya aherat
   aheratna ulah manggih
   bebendon ti Gusti Alloh
   Alloh nu muparin hurip

9. Tah ieu Ujang piwuruk
   piwuruk dijieun misil
   misilkeun kana pancuran
   pancuran teh jalan cai
   caina kudu tandean
   tandeanana ku kendi

10. Kendi saibarat Agus
    cai upamana Myai
    sasaran masing waspada
    ulah sulaya nya ati
    lah ieu Ujang piwejang
    nu anom pameget istri