Kaca:Puisi Sawer Bahasa Sunda.djvu/263

47. Mikameumeut sareng bojo
    laksana sareng ngajodo
    tapi lamun ngabobodo
    bojo moal mikasono

48. Mun sono Asep ka istri
    sing pageuli saperti pati
    eampur gaul areng santri
    kalayan ati nu suci

49. Nu suei pasti beresih
    tara aya nu dipamrih
    ka bojo teu weleh asih
    sagala sareng pamilih

50. Pilih ku Asep ayeuna
    nya pek tanya ku hatena
    nu goreng jeung nu hadena
    sing karasa ku dirina

51. Diri pangasih Gustina
    Gusti mah moai nyiksana
    moal bade ngaganjarna
    kumaha bae amalna

52. Amal hade tangtu genah
    laki rabi tumaninah
    lamun amal anu salah
    jaga baris nyorang susah

53. Susah lamun teu ngarobah
    nu ngajak ngarah ngarinah
    napsu nu mawa sarakah
    pek atuli pake ibadah

54. Mun ibadah anu tangtu
    bagikeun ka nu pahatu
    mikeunna tong ragu-ragu
    bilih istri janten bendu

55. Bendu istri Asep bingung
    ulah waka sok ditundung
    lamun istri terus pundung
    pangmeserkeun geulang kalung

56. Geulang kalung serba sae
    enggal atuh geura angge
    dianggena saban poe
    nu kantun pelesir bae

57. Pelesir Euis ka kota
    tah bawa duit sajuta
    mun aya kahayang menta
    tatapi ulah lahuta

58. Lahuta aya kahayang
    nyariosna ngagorolang
    nu bakal moal kasorang
    pikir anu mawa bimbang

59. Bingbang lamun sok sulaya
    mikahayang nu teu aya
    ahirna pakia-kia
    ngajauhan ka baraya

60. Baraya lamun ngahiji
    eta nu langkung utami
    hubungan anu sajati
    ngariung sapara wargi

61. Wargi Asep sadayana
    sakitu mikadeudeuhna
    barungah dina manahna
    nu janten ibu ramana

62. Ibu rama ngiring du’a
    Asep ngagaduhan garwa
    istrina lamun satia
    hiji bae entong dua

254254