Kaca:Puisi Sawer Bahasa Sunda.djvu/265

79. Bingung bongan osok salah
    teu bisa nahan amarah
    jangji ka batur sok gaplah
    teu inget kana papatah

80. Papatah ti para sepuh
    ulah boga rasa angkuh
    mun jangji kudu sing tukuh
    ueap lampah masing ampuh

81. Masing ampuh ti ayeun
    sing bisa mawa hirupna
    jauhkeun napsu gorengna
    deukeutkeun napsu hadena

82. Nyaah deudeuh mikasono
    eiri pola kanggo conto
    mangkahade ulah poho
    bojo teh bawa lalajo

83. Deudeuh teuing putra ibu
    omat tongngalajurnapsu
    ulah maen laeur ngadu
    mun bener nyaah ka ibu

84. Lalajo bari pelesir
    tingali sisi basisir
    sugan awas tina pasir
    alam dunya geura taksir

85. Geura taksir pangaturan
    dadameian Pangeran
    aya gedong matak heran
    luhur pageuh nanakeran

86. Teu ngaruag teu ngarieg
    Sakitu eusina uyek
    pirang-pirang nu ngaleyek
    tapi henteu ngarempeyek

87. Ya Allah anu ng$yuga
    ieu alam ngan nyalira
    bumi langit ge tohaga
    eusina mani pohara

88. Eusi dunya warnarwarna
    cahaya panonpoena
    sato tatangkalanana
    cawisan keur manusana

89. Manusa maruji sukur
    ka Gusti Allah nu ngatur
    panganten sing subur ma’mur
    kalayan hirupna jujur

90. Masing jujur sahaluan
    ayeuna Asep duaan
    ulah aya paeengkadan
    sing bisa silih belaan

91. Bela pati jiwa raga
    dunya katut aheratna
    ku Asep kudu dijaga
    sangkan Eulis gumbirana

92. Gumbira nu pangantenan
    papatah tamba lumayan
    ka Eulis Asep lenyepan
    nyawerna tereh lekasan

93. Nyawer teh turun tumurun
    tuturunan ti karuhun
    pamugi ulah dikantun
    sawer turun hatur nuhun

94. Sawer hartina panggeuing
    papatahgeura nyararing
    dangdingbari ngahariring
    pepeling masing areling

256