Kaca:Puisi Sawer Bahasa Sunda.djvu/266

95. Areling urang sadaya
    ka Gusti Allah nu Mulya
    ulah aya panca baya ’
    sadaya mugi waluya

96. Waluya para wargina
    weruh para pangantenna
    gumuruh rasa batinna
    caang hate ka Gustina

97. Gusti abdi nuju nuhun
    ngumbara mangtaun-taun
    ku bumi alam dilahun
    ni’mat kateda kasuhun

98. Duh Gusti nu langkung heman
    mugi sadaya sing iman
    nya netepan kaislaman
    mugi maot mawa iman

99. Bapa teh nyawer parantos
    mung kantun bade wawartos
    ka ondangan nu ngarantos
    mugi sami pada ngartos

100. Pada ngartos sadayana
     nu dicarioskeunana
     lebetkeun kana manahna
     naripong jalan sampurna

No.	:	6
Penggubah	:	Omo Kartamihardja
Umur	:	60 tahun
Pekerjaan	:	Pensiunan Pamongpraja
Tempat	:	Tasikmalaya

Dangdanggula

1. Eling-eling Nyai mangka eling
   ka piwuiang ulah kamapalang
   sugan meunang pitulung
   mangka eling beurang peuting
   wulang pangundang mama
   ulah rek dibandang
   dedengkatan sasarengan
   mun disidem sasatna henteu ditampi
   wulang mama anu melang

2. Kitu deui Nyai mangka eling
   dipiara ku ibu rama
   sumawonna ku earoga
   dipiara beurang peuting
   diwarah jeung diurus
   supaya rahayu
   Nyai sing gede milikna
   ka rama rek ka ibu pon pilalagi
   ulah kurang narimakeunana

3. Nya eta ku peta anu lantip
   hade budi sabar jeung tawekai
   soea sing geten tulaten
   ka panutan sing tuhu
   poma Nyai ulah rek lali
   sumawonna lamun bedang
   napsu kudu dibendung
   lampah pundungan pindingan
   samawonna aya eela ti salaki
   dek galak kudu ditulak

4. Kitu deui masing telik
   pilih mangsa kapalayna raka
   sarta sing jae pasemon

257