Kaca:Puisi Sawer Bahasa Sunda.djvu/269

9. Agus Eulis putra iby
   regepkeum masing saestu
   mun aranjeun teu ngagugu
   pinasti Pangeran bendu

10. Takdir ti nu Maha Suci
    bet dongkap ka urang pasti
    nyata uang laki rabi
    patepang pameget istri

11. Diriung ku sadayana
    ondangan ti mana-mana
    nu anomna nu sepuhna
    pameget sareng istrina

12. Sadaya jadi saksi
    Ujang Eulis laki rabi
    mugi Gusti Maha Suci
    jodo aranjeun abadi

13. Oge urang sakedahna
    uninga wiwitanana
    kumaha urang kawitna
    ti mana urang asalna

14. Geuning urang keur orokna
    gubrag medalna ka dunya
    soca lolong duanana
    torek nya kitu cepilna

15. Allah ngaluarkeun urang
    tina rahim ibu urang
    lengkep jeung pancaindrana
    taya kakuranganana

16. Kersa Allah geus teu hese
    ahirna ceuli ngadenge
    panon terus ningal jentre
    sareng dipasihan hate

17. Urang teh dibere ati
    pandanga jeung paningali
    nyata urang ulah lali
    ka anu ngadamel diri

18. Saparantosna-sawawa
    dugi ka rumaja putra
    bet pareng aya jodona
    teu terang ti mana jolna

19. Takdir ti nu Maha Suci
    bet norojol bae asto
    najan dihalang ku gunung
    kadar dongkap ti Yang Agung

20. Urang wajib trima kasih
    ka Allah nu Welas Asih
    laku lampah kedah bersih
    ku Allah sing isin ajrih

21. He geulis panganten istri
    regepkeun masing taliti
    Eulis teh nepi ka pasti
    kenging rahmat ti Yang Widi

22. Anaking geulis sing eling
    sing emut kana pepeling
    istri ku Nabi digeuing
    pikeun hakna masing-masing

23. Laku lampah sing saluyu
    candak jalan nu rahayu
    istri nu soleh pinasti
    dipangga-ponggo ku Gusti

24. Istri sabage permata
    disebatkeun na hadisna
    numawi kedah iatna
    sing leres mernahkeunana

260