Kaca:Puisi Sawer Bahasa Sunda.djvu/272

7. Sarta kudu bisa ngasuh
   ibarat jadi kamudi
   sangkan mulus rumah tangga
   caroge kudu diaping
   niun nyorang kabalahgahan
   bere wawadi panggeuing

8. Pameget jarining pancum
   pamatri nu tigin ati
   nyumponan kapamegetan
   ngupaya nyiar rejeki
   keur napakah rumah tangga
   teu jejerih ku kapeurih

9. Ulah marugul ngaberung
   ngajujur sakarep ati
   ka gurwa kudu satia
   ulah mangduakeun pikir
   niun garwa aya luputna
   wurukan sing rintih-rintih

10. Tah eta anu sakitu
    galeuhna nu laki rabi
    pameget pageuh pancuhna
    nu istri tuhu babakti
    tanwande layeut jadina
    moal ririwit berewit

11. Moal katalikung bingung
    moal kabeulit kasulit
    lian ti nu geus biasa
    kasusah nu teu mateni
    anu geus jamak ilahar
    bagian anu kumelip

12. Ulah nguyung ku nu umum
    ulah sedili ku nu galib
    sarerea ge biasa
    nyorang bungah jeung kasedih
    tara suka salawasna
    tora sedih unggal dami

13. Asal ulah petot emut
    bakti puji ka Yang Widi
    ulah cul kana agama
    nu jadi tatali asih
    manusa tukang ibadah
    ku Allah tangtu diasih

14. Teu aya gunung patilung
    teu aya gudang rejeki
    nitenan ari pelingna
    ngan ti Gusti Yang Widi
    mana ulah dijauhan
    malah sing nepi ka dalit

15. Cekapkeun bae sakitu
    mugia hidep anaking
    panjang punjung panjang yuswa
    jauh pahla parek rijki
    ginanjar kawilujengan
    amin ya robal alamin

263