Kaca:Puisi Sawer Bahasa Sunda.djvu/273

No.	:	9
Penggubah	:	Okib; (L)
Pekerjaan	:	Guru dan juru kawih
Tempat	:	Tasikmalaya

1. Kalayan asma Pangeran
   anu Maha Asih tur Heman
   mugi ieu jantenjalan
   kenging hidayah Pangeran

2. Abdi ayeuna nembean
   nyawer anu pangantenan
   pamugi abdi sadaya
   dipasihan palindungan

3. Para saderek sadaya
   jaler istri anu mulya
   darangukeun ku sadaya
   amanat ti nu Kawasa

4. Ibu ayeuna ngawitan
   nyawer anu pangantenan
   ngawurkeun nasehat qur'an
   jeung nasehat ti Jungjunan

5. Abdi sadayana sukur
   ka Alloh nu Robbun Gopur
   oge ka Nabi nu mashur
   Muhammad sabage rosul

6. Agus Eulis putra ibu
   regepkeun masing saestu
   mun aranjeun teu ngagugu
   pinasti Pangeran bendu

7. Takdir ti nu Maha Suci
   bet dongkap ka urang pasti
   nyata urang laki rabi
   patepang pameget istri

8. Diriung ku sadayana
   ondangan ti mana-mana
   nu anomna nu sepuhna
   pameget sareng istrina

9. Sadayana jadi saksi
   Ujang Eulis laki rabi
   pamugi ka Maha Suci
   jodo aranjeun abadi

10. Oge urang sakedahna
    uninga wiwitanana
    kumaha urang kawitna
    ti mana urang asalna

11. Geuning urang keur orokna
    gubrag medalna ka dunya
    soca lolong duanana
    torek nya kitu cepilna

12. Alloh ngaluarkeun urang
    tina rahim ibu urang
    lengkep jeung paneaindrana
    taya kakuranganana

13. Kersa Alloh geus teu hese
    ahirna ceuli ngadenge
    panon terus ningal jentre
    sareng dipasihan hate

14. Urang teh dibere ati
    pandangan jeung paningali
    nyata urang ulah lali
    ka anu ngadamel diri

264