Kaca:Puisi Sawer Bahasa Sunda.djvu/277

5. Genep ngahargaan ka salaki
   kana jasana jeung tanagana
   supaya jadi beres
   ulah rek salingkuh
   mun aya pamere salaki
   sanajan teu loba
   sing bingah sumujud
   katujuh siapsadia
   ngalakon kapentinganana salaki
   nu henteu mewah ti syara

6. Tah sakitu papatah teh Nyai
   ulah dijieun rasa mokaha
   bubuhan nu jadi kolot
   henteu weleh ringrang bingung
   sieun pisan jadi jalir
   utah ngawiwirang
   ngawula sing junun
   ibu raja sadayana
   sinarengan sadayana kulawarga
   ka Nyai pada ngadunga

7. Sanwangsulna pameget ka istri
   kedah nganggo adab tatakrama
   nyumponan kana papagon
   budi basa sing alus
   ulah aya anu matak nyeri
   boh tina kasauran anu matak nyentug
   sing ageung tinimbangan
   bilih aya kalepatanana istri
   poma ulah kasar

8. Kawajiban nu jadi salaki
   nyandak kana jalan kasaean
   estuning eta teh abot
   dunya aherat ditanggung
   da tos kitu eta pasti
   kedah pisan wayahna
   sing tiasa nungtun
   eta teh nomer duana

268