Kaca:Puisi Sawer Bahasa Sunda.djvu/281

15.  Ngurus caroge sing suhud
    ka sepuh kudu sumujud
    tebihkeun roman jamedud
    eta teh bibitna gujrud
    
    

16. Komo mun geus rumah tangga
    masing-masing pangaboga
    kudu leuwih nya ngajaga
    silih geuing jeung tatangga
    
    

17. Adat ulah timburuan
    ka caroge maseaan
    puguh mah entos kumpulan
    disangka tos teu kantenan
    
    

18. Pameget man enggon leumpang
    jeung rencang milari luang
    istri ulah sok kumapang
    malah tara muka lawang
    
    

19. Lamun istri adat kitu
    awet rajet anu tangtu
    caroge teh ngagurutu
    pikir ka ieu ka itu
    
    

20. Sipat istri ka caroge
    poma ulah ngamomore
    atawa ngajore-jore
    pan lumayan rencang sare
    
    

21. Mun caroge ngabenduan
    poma ulah ngawanian
    sok bilih kapapanjangan
    da ke ge liren sorangan
    
    

22. Pan caroge teh panutan
    istri wajib ngahormatan
    mun sumping angkat-angkatan
    karingetna disusutan
    
    

23. Tos salse teras sadia
    tuangeun saaya-aya
    nandakeun istri satia
    pikir henteu pasalia
    
    

24. Brak tuang balakecrakan
    duaan teh sukan-sukan
    istri nyodorkeun masakan
    jeung heureuy silih delekan
    
    

25. Lamun istri manah rupek
    sanajan sayagi mekprek
    tuangna teh tereh sesek
    padahal hanjakal nyedek
    
    

26. Ningal peta nu nyuguhan
    bet geuning henteu uyahan
    teu surup jeung mamanahan
    sok hayang-indit nyingkahan
    
    

27. Mun rumah tangga tos mampuh
    niat deuk gegel ka sepuh
    pacuan ulah salingkuh
    jadi istri kedah ampuh
    
    

28. Tong sepi babadantenan
    jeung caroge sauyunan
    sangkan gegel teh mangpaat
    dituangna ge masalahat
    
    

29. Ka istri sakitu heula
    moal bade lila-lika
    bilih matak ngarasula
    henteu loba nu kaala
    
    

30. Ayeuna ka carogena
    moal rek dibina-gina
    bade sami ngawelingna
    sangkan saluyu jalanna

272