Kaca:Puisi Sawer Bahasa Sunda.djvu/286

25. Samangsana nu dahar ponyo
    tara beunang dibebenjo
    ulah jauh keur sibanyo.
    matak nampeu nu rek ponyo
    

26. Jeung lamun angkat-angkatan
    masing bareng sani'matan
    kade ulah sasabutan
    jeung istri layar babatan
    

27. Tapi jot ti panyabaan
    ulah lila kalilaan
    liwat ti pasejaan
    bisi manggih pacelaan
    

28. Ka salaki masing kukuh
    tekad ati masing pengkuh
    ka baraya ulah angkuh
    tatapi ulah salingkuh
    

29. Lamun nyai barangbikeun
    anu patut dirangkepkeun
    poma ulah disidemkeun
    memeh pok ku dibejakeun
    

30. Ambeh ka nu diberena
    dialuskeun duanana
    malikkeun nyai asihna
    nu diarah ti bawahna
    

31. Salaki moal ngeunaheun
    pantes bae rek gareuleuheun
    ngadekul sok mamanahan
    

32. Maneh lamun barangbere
    hayang mikeun samping pare
    salaki tara dipalire
    lain salah jore-jore
    

33. Sanajan mere ka indung
    yen melid sumput salindung
    tangtu salaki teh pundung
    sok loba nu silih tundung
    

34. Lain owel ku pamere
    ngan ku ngabahananana
    ngan hayang alus manahna
    salaki tetep gorengna
    

35. Ku eta mah geus kamanah
    di mana salaki ngeunah
    kagungan garwa karinah
    melid teh salat pitenah
    

36. Sakitu eta ingetan
    eta ge gaduh pungutan
    teu ngarasa diseungitan
    tara sieun kapelitan
    

37. Geus tamat wuruk istrina
    hiap-hiap kari pamegetna
    euleuh-euleuh sateuacanna
    ieu keur kasep tetep salatna
    

38. Sok bapa mere luang
    tapi ge ngan omong doang
    da bapa teu boga uang
    nyaah mah saawang-awang
    

39. Eneng sing harti kacida
    boga kabeubeurat banda
    eneng bareto ngaduda
    taya nu nyimpenan banda
    

40. Sing tangginas nyaring manah
    ulah kajongjonan ngeunah
    kudu leukeun ngolah tanah
    tuncab-tanceb anu ngeunah

277