Kaca:Puisi Sawer Bahasa Sunda.djvu/287

41. Sanajan suka nya matuh
    sing nyaho dipangabutuh
    eneng garwa teh sing lintuh
    genteng-genteng ulah runtuh
    

42. Ilang bara nyukup sepuh
    maneh bae masing lintuh
    sepuh mah da tacan ripuh
    masih keneh jagjag timpuh
    

43. Naon bae babalantik
    ngarah sautak-saeutik
    ngukut hayam ngukut itik
    eukeur meuli samping batik
    

44. Ari lampah jeung mertua
    samemeh tacan sawawa
    kudu saregep sanyawa
    ulah rek asa jeung boa
    

45. Papageran pakarangan
    kurad-kored ngalenangan
    montong ngantep pawirangan
    

46. Masing bere ulah umpet
    kolot boga lalahan nampeu
    ulah magah kupa-keupeu
    habek pelakan ku sampeu
    

47. Saenyana lain heureuy
    lain heureuy melak roay
    melak hui meureun ngareuy
    marek katuang kateureuy
    

48. Nu .umrah di pipir imah
    pigeusaneun pager imah
    sing bisa nyuguhan ka semah
    

49. Ka bojo sing aya harga
    mun lulus siar oncogan
    ulah kapira jeung raga
    aya-aya moal ngaduga
    

50. Ulah barangasan teda
    saeutik-eutik sok kagok
    sok loba nu ting garewok
    sok loba nu siling dabok
    

51. Saniskara pacabakan
    da kudu jeung pamajikan
    nu nguruskeun parab hakan
    nu matak ngejo ngasakan
    

52. Bangsa urang leuleutikan
    terangkeun ka pamajikan
    ulah salingkuh tiktikan
    

53. Ka bojo yen memelid
    tangtuna sekelit manah
    nurut anggur sulit
    anjogna papelit-pelit
    

54. Jadi masing-masing ajang
    lumpat ka lalaki sejen
    da urang teu ngajen-ngajen
    

55. Da asup kana pitnah
    bojo teh papatih goah
    nu nguruskeun eusi goah
    lalaki nu purah ka sawah
    

56. Mun maneh dipangrucahkeun
    ati maneh ditangtukeun
    nyerina kabina-bina
    moal aya papadana
    kudu resik sakituna

278