Kaca:Puisi Sawer Bahasa Sunda.djvu/288

57. Mun hayang dipipisahkeun
    ulah geuwat diturutkeun
    kudu tahan direureuhkeun
    sing beak beuweung utahkeun
    

58. Unggal pos ngalenggerek
    samar gawe geus tamat
    muruk digirat
    

59. Ngan kari ngadua arab
    tapi entong bangsa arab
    da Gusti nu matak serab
    

60. Sugih mukti loba milik
    kuat ngahormat nu calik
    bisa mekelan nu balik
    nu miskin henteu kacalik
    

61. Hade budi jeung pangapih
    jeung tatangga runtut rapih.
    mugi-mugi sing bisa ngiriman ka
    sepuh
    

62. Ka nu deukeut oge heman
    mugi-mugi tetep kaislaman
    maot muga mawa iman
    

63. Da Gusti nu sipat geten
    abdi nyanggakeun panganten
    

64. Eukeurna di alam dunya
    mugi Gusti nu Maha Mulya
    sing katurut ku pakaya
    sing jauh balai beya
    

65. Mugi-mugi dipaparin tenggang
    sugan nyandang bati dagang
    kuat nulung anu anggang
    

66. Lah ieu salaki jeung bojo
    masing bur beureum bur hejo
    loba ketan loba kejo
    kolotna sing ngeunah nenjo
    

67. Kuring nyawer teh geus cape
    ngan sakitu bae jempe
    sugan sakitu ge sampe.
    lumayan keur baris kope
    

68. Sabab lamun papanjangan
    geus nguruwuk patuangan
    ngarep-ngarep pamasangan
    kuring isin ku ondangan
    

69. Mangga atuh pribumi
    ieu panganten geus lami
    geura cajikkeun di bumi
    dina amparan nu resmi
    

70. Ti dieu kakara tamat
    wallohu alam
    manawi cekap mung sakitu
    kidung sawer panganten ti abah
    Sarkam

279