Kaca:Puisi Sawer Bahasa Sunda.djvu/291

13. Najan aya kajegudan
    purunan jeung pacengkadan
    tangtu urang emut badan
    sundel ku silih baeudan
    
    

14. Taya bayana narungtut
    dina samiuk sapztut
    rijki mah nuturkeun nungtut
    moal datang ka barutut
    
    

15. Mun bojo kalulupatan
    nu pameget kudu wayahna
    mun pemeget bareng sirna
    nu istri kudu wayahna
    
    

16. Hiap ka dieu istrina
    urang wuruk pangheulana
    nyai sing hade nampana
    wuruk ibu rama sirna
    
    

17. Tingkah polah ka caroge
    poma nyai sing rancage
    dipiwarang age-age
    tunda keur digawe oge
    
    

18. Masing bisa titip diri
    ambeh sepuh suka seuri
    lampah ulah nganyenyeri
    sepuh sok milu teu ari
    
    

19. Sumawonna aya tamu
    sing hade pase semu
    nulak lingsem sakatimu
    ambeh pameget teu nyemu
    
    

20. Sumawonna rek lumaku
    naon candakeun nu baku
    sodorkeun ka gigir pangku
    ulah uyup-ayap kaku
    
    

21. Tatana sumping salaki
    sumawonna nyandak rijki
    geuwat buru taki-taki
    sing narima jadi koki
    
    

22. Sing alus ngaladenanana
    sing singer ulah leleda
    boga pagawean tunda
    nyambel kade bisi lada
    
    

23. Kumadepan ulah leya
    caringcing saaya-aya
    kumaha biasa tea
    
    

24. Jeung elingkeun ngalenah,
    mun caroge keur sepi mah
    ulah rek nyaba percumah
    pelesir tinggal ti imah
    
    

25. Jeung lamun angkat-angkatan
    kudu beres jeung pamitan
    istri mali leler bebetan
    tatana di panyabaan
    bisi manggih panyandaan
    liwat tina pasejaan
    
    

26. Eujeung lamun barangbikeun
    anu patut diregepkeun
    mangga sok kudu bejakeun
    ulah tuluy disidepkeun
    jadi Nyai teh ninggalkeun
    ngan nyai nu diomongkeun
    caroge nu diawonkeun
    eujeung lamun barangbikeun
    
    

27. Samping duit pare
    caroge teu dipalire
    lain salah jore-jore

282