Kaca:Puisi Sawer Bahasa Sunda.djvu/292

28. Sanajan mere ka indung
    yen meulit sumput salindung
    tangtu caroge teh pundung
    sok loba nu silih tundung
    
    

29. Lain owel ku merena
    ngan ku ngabongohanana
    sok hayang hade manehna
    caroge tetep gorengna
    
    

30. Ku eta mah geus kamanah
    di mana pameget ngeunah
    kagungan garwa ngareunah
    
    

31. Eta mah nhya sakitu kaingetar
    eta mah gaduh panutan
    teu ngarasa diseungitan
    tara nyieun kapelitan
    
    

32. Geus tamat wuruk istrina
    yap ka dieu pamegetna
    euleuh-euleuh bet ngadeukeutar
    keur kasep tetep saratna
    
    

33. Seug Ibu merean luang
    tapi ngan omongan doang
    nyaahna saawang-awang
    
    

34. Agus sing ngarti kacida
    kapengker Agus ngaduda
    ayeuna mah enggeus beda
    boga kabeubeurat dada
    
    

35. Sing tangginas nyaring manah
    ulah kajongjonan ngeunah
    kudu leukeun ngolah tanah
    tuncab-tanceb anu ngeunah
    
    

36. Sapancong suk nya matuh
    sing nyaho ka pangabutuh
    Agus jeung garwa sing lintuh
    genteng-genteng ulah runtuh
    
    

37. Kilang bara ngipuk sepuh
    maneh-maneh sing mampuh
    da Ibu mah tacan ripuh
    masih keneh jagjag timpuh
    
    

38. Hanteu ngaborong-borongkeun
    Pangeran mah naon bae pangaturan
    da aya opat lantaran
    nu matak wareg dadaharan
    
    

39. Boh tani boh jual meuli
    boh mangkat milampah kuli
    boh nyantri ngawuruk ahli
    ngestokeun piwuruk wali
    
    

40. Lamun loyog kana tani
    mugi sing wekel barani
    sing mukti datang ka uni
    nyukup indung bapa nini
    
    

41. Sing jadian pepelakan
    nyukup pake nyukup hakan
    masing aya kaundakan
    boga kuda.tutumpakan
    
    

42. Loba duit loba pare
    seueur ketan seueur cere
    ka baraya kuat mere
    di dunya tiis nya sare
    
    

43. Lamun lohog kana dagang
    mugi dipaparin senang

283