Masing bisa bibilintik
dina jalanan balantik
mangpaat modal saeutik
Modalnamugi diriksa
ku Pangeran nu Kawasa
bibit hayam bibit itik
keur ngurus poleng jeung batik
Ari lampah jeung mertua
samemeh tacan sawawa
kudu saraga sanyawa
ulah dek asa jeung boga
Papager ngan pakarangan
kurad-kored ngalenangan
sing boga pikir sorangan
montong ngantos piwarangan
Masing beger ulah kumpeu
kolot boga lahan nampeu
ulah ugag-eugeug eupeu
habek pelakan ku sampeu
Saenyana lain heureuy
melak jaat meureun ngareuy
melak roay meureun raweuy
meureun katuang kateureuy
Da lumrahna di sisi mah
kudu leukeun ngolah lemah
pigeusaneun boga imah
Ka boojo kudu nyukakeun
ulah kumaki mebeskeun
ngahayu jeung nhapirakeun
sok ngawewenang malikeun
Tina kudu matak aneh
barangpenta kudu rineh
mawa ngomong kudu rineh
amih lulus diri maneh
Ulah barangasan nyogok
sautak-saeutik haok
jadi matak ngagok-ngagok
ana kapongpongan mogok
Samangsa bojo ngabugeug
urang ge tangtu sinigeug
hayang sampeu geus ngabigeug
kop sowet kosong euleugeug
Da kudu jeung pamajikan
metakeun baranghakan
nu purah ngejo jeung ngisikan
bangsa urang leuleutikan
bere beja pamajikan
ulah sok malik tiktikan
Ka garwa papelit-pelit
tangtu sundel nyungkelit
manah tungtungna ngurihitJadi masing ijen-ijen
ngupat jeung lalaki sejen
tuluy menta dipahijen
ka urang jadi teu ngajen
Tah kitu bisi teu nyaho
mangkahade ulah poho
kudu bawa sakanyaho
anjogna silih dodoho
Jeung ulah sok mangduakeun
ka diri maneh eunteupkeun
kuat mais kuat manggang
bisa neundeun bari dagang
