Kaca:Puisi Sawer Bahasa Sunda.djvu/304

45. Iwal mun geus beak dengkak
    jalan dami geus ditincak
    awet ge kalah ka ruksak
    nya kapaksa ragrag talak

46. Talak teh sanajan halal
    tapi mun teu aya pasal
    anu kaharti ku akal
    akibatna henteu halal

47. Nganyenyeri popotongan
    ku mertua diherengan
    ku Pa Naib diseukseukan
    ku Allah ge dibenduan

48. Ujang ulah eruk-erek kawin
    sabab kawin lain ulin
    eruk-erek teh ngaruksak batin
    iman matak beuki rudin

49. Sakitu cukup piwulang
    ditujukeun ka si Ujang
    tinggal si Nyai nu lenjang
    urang sodoran piwejang

50. Ti mimiti ieu waktu
    Nyai teh jadi minantu
    gaduh panutan nu estu
    putra mertua nu tangtu

51.  Garoge Nyai teh santri
    bageur pinter suci ati
    keur kasep teh jeung raspati
    ka Nyai tangtu mupusti

52. Nyai kudu age-age
    ngaladenan ka caroge
    budi pangrangi sing hade
    sing tiasa ngalap hate

53. Si Nyai teh ku umum mah
    disebut papatih goah
    tukang ngatur tukang ngolah
    ngolahkeun di jero imah

54. Ari eeuk jaman kiwari
    earoge perdana mentri
    Nyai mantri dalam negri
    nu ngaheuyeuk jero puri

55. Rumah tangga bakal subur
    mun papatih bisa ngatur
    laki rabi matak guyur
    upama Nyai teu jujur

56. Nyai sing boga duduga
    jeung budi anu peryoga
    pikeun ngatur rumah tanggi
    teu eukup ukur ku laga

57. Mun earoge nyaba jauh
    Nyai poma rek salingkuh
    karunya caroge ripuh
    ngahasUkeun pangabutuh

58. Upama si Akang sumping
    angkaribung jangjang-jingjing
    geuwat papagkeun sing ginding
    sing seungit minvak meleding

59. Mun ningal si Nyai endah
    earoge tangtuna bungah
    poho kaeape kasusah
    da imah ge beuki betah

60. Coba mun tas dagdag-digdig
    nenjo bojo ruwag-rewig
    susu rayud bari rawig
    moal teu ngabirigidig

295