Ieu kaca geus divalidasi
|
|
No. : 16
Penggubah : H.Encep Ahmad Fudoli
umur : 45 tahun
Pekerjaan : Juru sawer dan tani
Tempat : Bogor
- 1. Kalawan maca bismillah
- nyebatkeun jenengan Allah
- teras maca alhamdulillah
- ari puji gaduh Allah
- 2. Oge salawat sareng salam
- mugi ka jungjunan alam
- Muhammad haerul anam
- wa alihi wa ashabil karam
- 3. wa bada wa syaean
- rek ngahibur panganten
- nu wali jeung pernikahan
- sugan aya kamangpaatna
- 4. Dina soal pernikahan
- eta teh ngandung urusan
- pada gaduh kawajiban
- Nyai sareng Ujang pisan
- 5. Laku lampah nu kacatur
- anjeun kedah muji sukur
- ibadah ka Robbul Gopur
- jeung elmuna anu akur
- 6. Apalagi urang ayeuna
- tos ka kurung ku nikalina
- wiat ulah gagabah
- perhatikeun saleresna
- 7. Istri sinareng pameget
- kawitna pada geget
- silih asih pikameumeut
- tebihkeun nu matak raheut
- 8. Pami urang nuju subur
- urang kedah miasukur
- urang sing gaduh kapaur
- sing sering nguping pitutur
- 9. Mun dongkap nu matak hambar
- karaosna matak keutar
- eta urang kedah sabar
- ngeker napsu ulah diumbar
- 10. Sing laer tali aisan
- pami aya kalepatan
- si Ujang ka pamajikan
- lamun ngangeun kapangsitan
- 11. Oge nyambel kaladaan
- sareng masak kasiangan
- acuk tacan diseuseuhan
- tanapi can kaelusan
297
