Kaca:Puisi Sawer Bahasa Sunda.djvu/315

Candana

5. Mun kongang mah tadi peuting
   hayang metik dua bentang
   bakating nyaha ka hidep.
   lambang asih Ema Bapa
   langgeng tur tanpa wangenan
   hamo rek luntur ku usum
   moal rek laas ku jaman

Budak Ceurik

6. Duh anaking
   eling-eling mangka eling
   rarabi teh gawe luhur
   lain gawe dianggap gampang
   pancen suci ti Yang Agung
   teu bisa dioake ulin

7. Karinding kumaha suling
   suling welang calung wulung
   saung angklung ti Galunggung
   beurang peuting mangka eling
   napsu nu mangprung ngaberung
   temahna matak kaduhung

8. Bagja pisan mulya pisan
   nu mulus laki rabina
   rumah tangga nu lugina
   jadi dasar nu utama

Jemplang Titi

9. Mataholang hirup kumbuh
   eunteungna téh laki rabi
   anu nyangking kaadilan
   taya rasa untung rugi
   taya basa eleh meunang
   sapäpaït saramanis

Kinanti Ligar

10. Runtut raut rempug jukung
    silih asuh silih asih
    sukuran dina keur bagja
    soleh mun pinanggih sisip
    tumarima kana kadar
    takwa inam ka Ilahi
    Gusti nu Maha Asih

Papatep

11. Pamungkas panutup catur
    ka Allah nyembahkeun sukur
    ngadepkeun raga jeung ukma
    neda rahmat hidayah-Na

⁠No.   : 31
⁠Penggubah : ON
⁠Sumber  : Pusaka Sunda
⁠no 8/IV Agustus
⁠1926: 123 -124
⁠Bentuk  : Papantunan

Pun ampun amit ampun
ka nu kagungan lembur
amit ka nu kagungan bumi

tabe ka nu kagungan bale
maap ka juraganana
nu calik jadi candoli

317