Kaca:Puisi Sawer Bahasa Sunda.djvu/316

41. Teu kaop manggih teu ngeunah
    gancang nibankeun pamasah
    ragrag talak terus pisah
    peta kitu laku salah

42. Ulah sok kejot borosot
    ulah sok babari sewot
    ngke nu susah mah kolot
    mertua ge milu repot

43. Rampaan heula sing pangger
    kalawan hate nu teger
    sarta pikiran nu seger
    ,ulah gampang kabalinger

44. Iwal mun geus beak dengkak
    jalan dami geus ditincak
    awet ge kalah ka ruksak
    nya kapaksa ragrag talak

45. Talak teh sanajan halal
    tapi mun teu aya asal
    anu kaharti ku akal
    akibatna henteu halal

      No. : 30
      Nama : Etty Agus (P)
      tempat : Cianjur

Papatet

1. Bismillah purwaning catur
   ka Yang Agung sujud sukur
   neda rahmat ti Yang widi
   neda rahayuning Gusti

2. Roh kudus mumbul ka luhur
   ka Allah neda papayung
   ka Pangeran neda suka
   ka Gusti nya neda widi
   rek nutur galur kapungkur
   mapay laratan baheuia
   nukil warti nu bihari
   mepeling nu jatukrami

Rajamantri

3. Ka sadaya jaler istri
   muga jembar panganipura
   sih haksama
   seja miwulang panganten
   malah mandar mawa bagja
   Pinanggih rido Pangeran
   Maha Suci
   Rarabina panjang-punjung
   sarimbagan sauyunan
   silih asih pikaheman

Candrawulan

4. Ujang Nyai he anaking
   Ema Apa rek balaka
   jentreng kacapina hate
   sereset keset pangrasa
   kemprang gambang kasukaan
   gung goong pangrungrum kalbu
   bungah teh tanpa wangenan

316