Kaca:Puisi Sawer Bahasa Sunda.djvu/319

8. Agus putra Ama Ibu
   mangga nyanggakeun si geulis
   budak can loba kabisa
   ulah bosen nya ngageuing
   ka jalan kautamaan
   anu dipirido Gusti

9. Kawajiban Raden luhur
   ayeuna jadi pamingpin
   tanggung jawab ka Pangeran
   na lahirna rawuh batin.
   bagjana jeung cilakana
   eta pasrah ka anaking

10. Istri pandang batur hirup
    hate urang sing ngahiji
    ka darat jadi salebak
    ka cai jadi saleuwi
    sagala babadamian
    entong salingkuh ka istri

11. Sakitu Bapa miwuruk
    entong panjang nya digurit
    pondok ge aya gunana
    sok mun bener dipiati
    mugi-mugi ka Pangeran
    kersa ngaping siang wengi

No.	:	29
Penggubah	:	Jasria (L)
Umur	:	50 tahun
Pekerjaan	:	tani
Tempat	:	Serang

1. Hamdan lillah aladdawam
   suma solatu wassalam
   alannabi hoeril anam
   wa uli wasohbil kirom

2. Salam tadini ka sadaya
   para wargi jeung sadaya
   para kanca nu marulya
   nu sami di dieu aya

3. Sim kuring neda paralun
   reh ayeuna kumawantun
   ngadeg ka sadaya mayun
   bari ngadangdingkeun pantun

4. Pantun nu mangrupi sawer
   minangka diajar wanter
   ulah rigeplek teuing jawer
   mung pamugi ulah gehger

5. Nyawer ka nu nembe nikah
   eusina wungkul papatah
   pibekeleun imah-imah
   sangkan runtut tumaninah

6. Lulus banglus laki rabi
   cara mmah tangga Nabi
   jauh ti bahla cocobi
   deukeut kana rohmat Robbi

7. Ayeuna urang ngawitan
   mangga geura saraksian
   bilih aya kalepatan
   lereskeun ku para ihwan

8. Panganten lalaki heula
   heg regepkeun masing rela
   ulah bari ngarasula
   wayahna da moal lila