Kaca:Puisi Sawer Bahasa Sunda.djvu/330

Sinom

1. Nu nyora nya lelembutan
   nu usik nya eusi batin
   kanyaah ibu jeung rama
   ka diri hidep anaking
   dina wanei nu mustari
   mangsa hidep nawaetu
   seja awit mitembeyan
   niat hirup laki rabi
   muga-muga hidep sing bisa
   nampana

   Asmarandana

2. Yeuh geulis anaking
   tangkai nyawa kembang soea
   hidep dirahmat Yang Manon
   kenging jodo ti Pangeran
   beunang mupakat duaan
   kajurung pangdu'a sepuh
   salamet geus dirapalan

3. Ibu ka hidep meredih
   hidep sing sabar tawekal
   dibarengan manah soleh
   dina ngolah rumah tangga
   mangkade sing sauyunan
   poma tong ngalajur napsu
   nu matkk ruksak salira

4. Sing apik ngajaga diri
   tina gogoda raneana
   beurang peuting ulah meleng
   neneda ka Nu Kawasa
   sangkan rumah tangga urang
   pinarengan lulus.mulus
   tebih tina pancabaya

   Kinanti

5. Mungguh rumah tangga tangtu
   lir kapal jero jaladri
   garwa minangka Iayarna
   earoge lir juru mudi
   di lautan satujuan
   sapapait samamanis

6. Guguru ka lauk laut
   sanajan eaina asin
   awakna teu katepaan
   mandiri dina pribadi
   mangpaat keur anu lian
   jadi pamungpungan asih

7. Lamun rumah tangga runtut
   silih asih beurang peuting
   sawarga pindah ka dunya
   genah ngahenang ngahening
   hirup pamanggih sugema
   laki rabi suka ati

8. Mangka ajeg laur tangtung
   masing reugreug lahir batin
   ngambahjagad pawenangan
   saingkig nepikeun harti
   salengkah nepikeun luang
   ajirna diri pribadi

   Kidung

9. Diruhun pangjurung indung
   diaping pangjaring batin
   dirumat pangyuga bapa
   dikemitan ku kaasih
   disimpay renghap kanyaah
   ditimang diayun ambing

303