Kaca:Puisi Sawer Bahasa Sunda.djvu/333

6.  Laku julang hade tiru
   sapapait - samamanis
   dina hirup babarengan
   tara sok pahiri-hiri
   pada nyaho kawajiban
   kawajiban masing-masing

7.  Tah sakitu pepeling
   weweling

  
muga tungkus dina lelembutan
ku hidep nu pangantenan
ieu teh pesen sepuh
nu nyaahna salahir-sabatin
minangka mah mekelan
sing nanjung rahayu
medal tina rasa nyaah
salawasna sepuh mah muntang
ka Gusti
ngadungakeun waluya.

No. : 35
Penggubah : Wahyu Wibisana
Umur : 48 tahun
Pekerjaan : Karyawan Dep. P & K Prop Jawa Barat.
Tempat : Bandung.

  
Asmarandana
Bismillah asmaning Gusti,
rahman rahim sipat mulya,
anu murba alam kabeh,
ka Mantenna sugri sembah,
hu Allah alhamdulilah,
reh dinten ieu saestu,
ngersakeun nurunkeun bagja.

  
Ka panganten jaler istri,
Neng Emma reujeung Cep Tatang,
nu rek mangkat ngalalakon,
dina hirup rumah tangga,
bra! balayar tarik jangkar,
nawaetu rek rahayu,
jauh tina panca baya.

  
Gerentes sepuh sakalih,
utamina ti Pa Rachmat,
digurit mangrupa sawer,
haleuang eusi piwulang,

eung dunga kasalametan,
pikeun ngambah hirup kumbuh,
tungkuseun Emma jeung Tatang.

  
Kinanti
Panganten anu dipayung,
ku cawiri emas kuning,
mugia ditangtangayungan,
ku Allah Rabbul Izati,
Dat Tunggal Nu Maha Akbar,
nu kagungan bumi langit.

  
Bur sawer tawur tinawur,
diriring-riring hariring,
pitudah dina siloka,
sing katampi sing kasurti,
ku manah nu wijaksana,
ku hidep deudeuh anaking.

  
Bokor pinuh ku piwuruk,

324