Kaca:Puisi Sawer Bahasa Sunda.djvu/334

  
keur panganten jaler istri,
beas lambang hirup awak,
jadi getih jadi daging,
hidep duaan sing waras,
walagri jauh kasakit.

  
Koneng temen lambang junun,
temen-tinemenan gilig,
mun boga hiji udagan
susul sing nepi ka bukti,
ku tanaga jeung pikiran,
bari ngadunga jeung eling.

  
Hirup laur-laur nanjung,
mugia pareng pinanggih,
lambangna mangrupa uang,
harta banda nu dipambrih,
nu halal reujeung masalahat,
ambe diri tetep bersih.

  
Éta silib saur sepuh,
dina sawer jeung hariring,
pituduh hirup di dunya,
tapi anaking tong lali,
bekel hirup di aherat,
nurukeun Islam iseli.

  
Bongan Emma Tatang puguh,
jadi muslimat jeung muslim,
tangtu eta pangakuan,
jeung kayakinan 'na ati,
seja dijalankeun enya,
ti lahir nepi ka batin.

  
Ya Allah Nu Maha Agung,
tangtayungan 'yeu anaking,
pun Emma reujeung pun Tatang
laki rabina walagri,
salamet dunya aherat,
amin ya Rabbul alamin.

     No. : 36
     Penggubah : Ki Umbara; L
     Umur : 68 tahun
     Pekerjaan : Pens. Kep. SMP Muslimin Bandung
     Tempat : Bandung.

1. Rarepeh pameget istri, ieu rek ngawuruk putri, piwuruk terus jeung satri, supaya jadi pamatri.
2. Kuring isin mah kantenan, ku sadaya nu mayunan, disebutkeun nanaonan, ngalilakeun ka oganan.
3. Tapi neda suka lilah, da ieu rek nyaweu heula, nukakeun pada kaula, sakieu mah moal lilah.
4. Ngatuangkeun sakieu mah, padamelan nu di imah, mokaha lain percumah, ngalap ganjaran walimah.

325