Lompat ke isi

Kaca:Randa Bengsrat-Roman Sunda.pdf/162

Ti Wikipabukon
Ieu kaca geus divalidasi

„Ieu euy! Tulungan!" Cek nu pangheulana.

Barang breg jelema narepi kana jambatan, Esih geus ngarumpuyuk, nambru teu nangan. Tuurna teu kuat dibawa nantung lila-lila.

Breg pada ngaronom. Regeyeng Esih dipangku, digotong ku tiluan, bring dibawa balik, diiringkeun ku jelema sakampung nu marawa obor jeung lampu.

Sapanjang jalan Esih sumegruk, diaromongan ku nu ngagotongna.

160