tongna hade, lamun geus tutup ngomongna dat nyembah, kitu deui lamun dititah ngadongeng, tara nyaritakeun nu cawokah, wungkul dongeng nu aya mangpaatna, jadi kolot-kolot atawa menak-menak sumawonna batur-baturna pada resep bae.
Ceuk Ambu Emen ka salakina, "Naha ari ka Ki Sarim loba-loba teuing nu resep".
Salakina, "Hih atuh tangtu kitu, sabab eta budakna, ana nyarita hade pokna, lemes basana, gekna hade, kapan nya nu kitu sok disecbut hade gogog hade tagog teh".
30. HAPA-HAPA GE RANGGEUYAN
Hartina: malarat oge boga salaki.
Hiji waktu Nyi Tapen papanggih jeung Nyi Ikem, pokna, "Aeh! aeh! Nyi Ikem bagea, rek ka mana?"
Ceuk Nyi Ikem, "Rek balangsiar bae da kami mah pangawak sabeulah, rea pisan pangabutuh".
Ceuk Nyi Tapen, "Puguh da kuring oge rea pisan ka kurang".
Nyi Ikem, "Hih anjeun mah hapa-hapa ge ranggeuyan, moal cara kaula".
31. ILANG ALONG MARGAHINA, KATINGGANG PANGPUNG DILEBOK MAUNG, RAMBUTNA SALAMBAR, GETIHNA SATETES, AMBEKANANA SADAMI, AGAMANA DRIGAMANA, KAULA NYERENKEUN
Ieu paribasa (omongan) sok dipake dina nyerahkeun.
Hartina: masrahkeun sagalana,
Hiji poe Dirja pasea jeung pamajikanana nu ngaran Nyi Isem, lataran Dirja unggal-unggal peuting tara aya di imahna, nya
