Kacang panjang gegebengan, - sakieu darajat kuring.
Kacang panjang di sayuran, - bati ngageremet ati.
Abdi mah caruluk Arab, - henteu tarima teh teuing.
Gagang caruluk karadak, - pantes mun rek dinyenyeri.
Sok rajeun ngabuah kawung, - nyuruluk cipanon bijil.
Gedang atah keur lumayung, - engkang mah jelema ginding.
Beunying leutik sim kuring mah, - ari ras sok cimataan.
Beas ditutuan deui, - iraha bisa patepung.
Puguh ge ubar muriang, - nu hina leuwih ti misti.
Jukut jangkung pinggir gunung, - hate engkang panas peurih.
Cariang beureum beutina, - neda carlos nu puguh.
Cikur jangkung pamuraan, - paralay teuing nu geulis.
Kern bang bodas buah bunder, - ngaheruk nya pipikiran.
Kembang biru munggeng kubur, - mugi engkang welas-asih.
Daun tuhur na tangkalna, - ari ras ka diri nyai.
Tangkal pare parungpungan,- kudu ka pada utami.
Kendang gede pakauman, - dagdigdug rasaning ati.
Rehab jangkung di pandopo, - nalangsa lebeting galih.
Nyiruan genteng cangkengna, - masing mindeng pulang- anting.
Laleur hideung panyeureudan, - kilangbara urang jadi.
Cakcak gede kadal bilik, - ulah dipake mokaha.
Simeut jangkung panjang buntut, - entong karooh ku abdi.
Ekek lembut pupuntiran, - tingseredet kana ati.
Manuk hawuk beureum suku, - katingal keur imut leutik.
Puter putih saba lembur, - engkang seja bela pati.
