123
moelang ka Sam, nijat nèjangan kènèh pangarti baè, rèk asoep ka kota Mesir, hajangun njaho kaoentoengan dagang, rèk ditimbang djung kaoentoengan tani. Ari di djalan papanggih djung santri, ditanja koe ki Oemar Sanoesi : Rèk lumpan kamana? Santri ngawangsoel, pokna : Rèk goegoeroe èlmoe kalahiran. Ki Oemar Sanoesi ngalelekan nanja, pokna : Naon èlmoe kalahiran tèh? Koemaha petana, naon gawèna? Ki santri ngawangsoel : Ari èlmoe kalahiran tėja roepa-roepa. Kanjaho koela baè, hidji èlmoe kategoehan kabedasan, doewa asihan kinasihan, katiloe èlmoe itoengan patangan, kaopat èlmoe sirep, rèja-rėja dui sadjaba tidinja. Ari gawèna èlmoe kategoehan kabedasan tèh, oepama mang gih moesoeh sapoeloeh doewa poeloeh, koewat dilawan koe sorangan. Ari èlmoe kinasihan asihan tèja, rèja-rėja pisan gawèna. Lamoen oerang rèk ngawoela ka radja-radja atawa ka mantri-mantri, dipetakun, tangtoe kamanah baè. Nja kitoe dui, lamoen rèk ngalamar, diwatja èta asihan kinasihan tèh. Ari èlmoe itoengan patangan tėja, lamoen aja lulungitun, kanjahoan anoe maling atawa pernahna anoe lungit tèja, djung bisa njaho pikarepun batoer atawa lampah noe tjatjan kasorang. Ari élmoe sirep paranti ngahèèskun djelema. Lamoen oerang rèk maling, njampak njaring kènèh, diwatek èta sirep tèh, tangtoe hèès baè. Tah, sakitoe gawèna tèh, djadi oerang taja kasoesah hiroep tèh. Diwangsoel koe ki Oemar Sanoesi : Nja, lamoen kitoe mah, taja kasoesah. Tatapi rasa koela moal djadi, oepama oerang ngawoela ka radja-radja, tatapi taja kabisa, taja katemenan, moal enja kaanggo. Rasa koela mah, taja kadjaba tina bisa digawè, serta temen wekel, djoedjoer pikir, hade adat. Parandènè kitoe soegan enja baè, satjatoer andika; kawoela miloe goegoeroe. Tapi djangdji oerang tjoba hula, sabab oeroesan lahir gampang ditjobana, tapi njobana koedoe rikip pisan, oelah katangen, bisi tiwas. Wangsoel ki santri: Ajuna mah koela sedja ngiring baè ka sampéan; koemaha baẻ tarèkah sampéan, koe koela diiring.
§ 38. Bral doewaan lumpang ngadjoegdjoeg ka kijai, noe
