124
digoeroean koe ki Djapar, ki Noeroedin ki Abdoealkarim tėja. Ari èta santri tèh teges oerang Mesir, ngaranna ki Rasid. Barang datang, toeloej ngoendjoengan serta hatoeran jèn rék masantrèn. Ditampa serta dipernahkun pondokna; saban poè diwoeroek djadjampèan. Ari ki Oemar Sanusi ngan hèran baẻ noe aja, ngoepingkun djampè sakitoe rėjana djung sakitoe ahèngna. Tatapi ngageremet baé hajang njoba, kur nèjangan piakalun. Tidinja manggih akal rèk njoba patanganna. Ari kur bongoh ki goeroe, toeloej dipaling badjoena, disoempoetkun di noe boeni. Ki goeroe koepang-kapèng nèjangan, welèh, tu kapanggih. Ki Oemar Sanusi imoet sadjeroning pikirna, di noe soeni ngomong ka batoerna tèh: Gus saperkara koe oerang katjoba jèn bohong; boektina hantu njahoun pernah badjoena, djung djelemana noe njoempoetkun. Wangsoel ki Rasid: Enja, gus kadongdon sautik bohongna. Ki Oemar Sanusi gus munang bėdja, jén doeloer-doeloerna pada goegoeroe serta pada mèrè doewit lima poeloeh pasmat sèwang. Ngomong sadjeroning pikirna Njaah tuing koe oewang sakitoe rèjana, dipaké tu poegoeh ba. Nja tjoetjoed baroeroeng doeloer-doeloer tèh. Luwih had ditjokot dui baè; soegan papanggih dui djung doeloer-doeloer, rèk dibikun. Ari kur bongoh, ditjokot dui tina lèsnarna. Manggih doewa ratoes pasmat, tapi hantu ditjokot kabèh, ngan ditjokot saratoes lima poeloeh pasmat, nijat ngala banda-banda doeloerna baè. Hulut tiloe poè tina dipaling, katangen koe ki goeroe jèn oewangna tina lèsnar lungit, tapi hantu geroeh, tina èraun ngawoeroek élmoe patangan, ari bandana dipaling, hantu njaho. Ki Oemar Sanusi imoet baè sadjeroning pikirna, bari ngomong ka batoerna Tah, gus doewa kali katjobana goeroe patangan téh. Ajuna hajang njaho kawedoekannana. Katjarita èta goeroe gus maranti pangdijoekannana dina langgar, diamparan koe koelit domba, dilapis-lapis soepaja empoek. Sabot ki goeroe ka imahna, guwat ki Oemar Sanusi nantjebkun djaroem dina koelit domba pangdijoekan goeroe tèja, ditangtoengkun djaroem téh, nijat ngaboerangan goeroe moertad.
