IX.
IJU KITAB SADJARAH.
§ 1. Bismi’llahi’rrahmani’rrahimi. — Njaritakun oemoer doenja kabèhna saketi taoen lobana, ukur mangsa toeroen Nabi Adam ti sawerga kari oemoer doenja tèh salaksa taoen, ari salapan laksa dienggonan ratoe doewa, hidji Ratoe Maroet, doewa Ratoe Banoedjan. Ditjaritakun ukur mangsa Nabi Adam toeroen ti sawerga ka alam-doenja, kabendon koe Pangéran djung Baboe Hawa, tina asal dahar larangan Pangéran, ngaranna boewah hoeldi. Toeroenna di poè kemis tanggal tiloe boelan Moeharam taoen waoe; toeroen di poekoel genep isoek, lumpangna ka alam-doenja. Nabi Adam djung Baboe Hawa njandang dosa, diiringkun koe malaikat, tiharup titoekang. Kalangkoeng wirangna Nabi Adam. Ana ragrag ka goenoeng Soerandil, ari Baboe Hawa ragragna ka goenoeng Sijem. Langkoeng-langkoeng matak karoenja èta doewa djalma tèh. Tjurik nalangsa ka awakna aja di goenoeng Soerandil Nabi Adam. Ari Baboe Hawa tjurik nalangsa aja di goenoeng Sijem.
§ 2. Èta doewannana kalangkoeng-langkoeng sangsarana, djalma kabendon koe Pangéran. Burang, puting nangis baé, neda hampoera. Kalangkoeng matak njaah, lamoen kadèngè mah koe oerang. Ari lawasna kasangsara munang saratoes taoen; èta burang puting narangis baè. Ditjaritakun tji panon Nabi Adam ragrag kana kusik goenoeng Soerandil, èta djadi inten mirah Sèlan djung djadi sagala permata anoe èndah-
