Kaca:Sri Panggung.pdf/15

BUBUKA

Dirungrum dicium, dieyong
diayun-ayun, dikawihan di-
hariringan .... boneka.

Mun boneka geus ceda, geus
busik, diiwing dibuntang-ban-
ting dijebian diciduhan. Di-
tungtungan ku diwejek dibeu-
beutkeun...... ancur.

Nya boneka nya Wanita,
nya Wanita nya boneka, ang-
gapan lalaki.

Wanita nu sorana emas, nu
bisa ngalagu jeung ngalaga,
bisa tembang bisa ngigel. Masa-
rakat umumna muji ku bisana,
muji ku rengkakna. Tapi, sa-
jeroning muji, bet ditungtung-
an ku nyela, digeugeuleuh.
Majah awewe nu kitu mah ......
hina. Dijungjung diugung-
ugung, tapi dilelewe-dilelewa.

taya ajen sapeser, dianggap kawas ka cacing.

Bumi terus muter. Aya jelema nu hiber ka bulan. Pikiran-pikiran, manusa ngagilir, robah alam robah anggapan. Baheula nu disebut ronggeng, ayeuna jadi seniwati, atawa Sinden.

Mun baheula ronggeng dijungjung bari jeung dibeubeutkeun, tapi ayuena ......... dipuja, dipuji, bari terus dijungjung sarta bakal terus dipiara didama-dama sing nepi kana harti mungguh seni-sora jeung seni-ibing jadi guna keur masarakat umumana.

Dina carita SRIPANGGUNG, nembrakeun cara jeung ciri anggapan masarakat ka golongan Seniwati dina jaman nu ka tukang, dina jaman jajahan.

13