koedoe nĕtĕpkeun heula kiesquotient, nja eta hidji angka atawa bilangan, anoe noedoehkeun Jen djago dianggap kapilih, lamoen manehna meunang soeara paling saeutik saroea reana djeung eta bilangan.
Dĕmi ngitoengna eta bilangan, njokot tina reana noe baroga hak milih noe datang kana pilihan, dibagi koe lobana kiesman noe koedoe dipilih ditambah hidji, sarta beubeunanganana, oepama angka pĕtjahan, diboeleudkeun ka loehoer.
Tjontona:
Tjatjah djiwa aja ...................................... 2000
Djadi reana kiesman koedoe aja ............................ 4
Reana noe boga hak milih oepama ......................... 600
Reana noe daratang oepama ............................... 402
Djadi kiesquotientna = 402 : (4 -f—1) = 402 : 5 — 80.4— dibueleudkeun djadi 81.
Sanggeusna nĕtĕpkeun kiesquotient, toeloej noe boga hak milih teh hidji-hidji dibere tjiri (rokrak) salobana kiesman noe koedoe dipilih tea. toeloej saoerang-saoerang asoep kana hidji tĕmpat noe disadiakeun ti awalna, sarta teu awas ti loear. Di djero eta tempat disadiakeun roeas-roeas beunang moelas atawa beunang njirian koe bandera anoe poelasna saroea djeung bandera anoe ditjĕkĕl koe djago-djago tea.
Anoe milih teh soep ngasoepkeun tjiri hidji-hidji kana roeas-roeas tea anoe sapoelas djeung djago-djago, noe koe manehna rek dipilih.
Di dieu koemisi koedoe tĕngĕt nalingakeun bisi aja djalma noe ngasoepkeun tjiri leuwih ti hidji kana sala sahidji roeas.
Sanggeusna salse, toeloej eta roeas diboeka di hareupeun djalma djalma, diitoeng eusina tjiri. Sakoer djago noe meunang tjiri, lobana saroea atawa leuwih tina kiesquotient anoe ditĕtĕpkeun tadi eta djago kapilih djadi kiesman.
Saoepama Jobana noe geus kapilih djadi kiesman atjan tjoempon kana reana kiesman noe koedoe dipilih di eta desa koemisi harita keneh koedoe ngajakeun pilihan kadoea kali. milihna ti antara djago-djago dina pilihan mimiti bae, ngan di iwalkeun sakoer djago noe geus kapilih dina pilihan mimiti.
Oepama salse pilihan kadoea, tapi tatjan keneh bae tjoempon
kana reana kiesman noe koedoe dipilih, koemisi saharita koedoe ngajakeun pilihan katiloe kali. Milihna ti antara djago-djago noe tatjan kapilih kana kiesman.
— 136 —
