Ieu kaca geus divalidasi
- Barang ningal kana waktoe, horeng teh geus lohor ahir, leumpang toeloej digantjangan, inggis hěnteu bisa něpi, tapi gantjang teh ngan maksad, woengkoel patekadan ati.
- Da leumpang mah anggěr laoen, malah leuwih batan tadi, sabab eukeur mah geus pajah, katambah nandjakna leuwih, leuwih batan noe ka toekang, taja noe rata saeutik.
- Lami-lami sami tjoendoek, ka tandjakan noe nangtawing, sanggěm pananggoeng noe doea, tah bilih hnteu tingali, ieu teh si Baeud tea, mangga ajeuna mimiti.
- Paingan teuing kamashoer, ngaran si Baeud teh boekti, tandjakan noe nětěk pisan, mani nandjeur kawas bilik, kitoe ge leuheung meueusan, saoepami hënteu těbih.
- Ieu mah koemaha atoeh, eukeur nëtëk teh djeung těbih, istoe moenasabah pisan, tina nami kana boekti, sabab sadjěroning leumpang, teu aja anoe kakoeping.
- Djabi sora tingrarahoeh, taja noe ngomong saeutik, boloampar gogondjakan, ngobrol banjoi soeka-seuri, ngan bararaeud mah ěnja, sajab tjape liwat saking.
- Woewoeh beuteung tingkoeroeboek, rajohna mementa eusi, karasa peurih toer lapar, horeng lain bae koering, batoer ge nja kitoe pisan, malah ampir rek salatri.
- Pisanggem djalma pananggoeng, ke koelan sakědap deui, oelah toeang di noe nandjak, moal lami oge soemping, ka Patrol dina tětělar, těmpatna raos toer tiis.
- Jaktos pisan hěnteu wadoel, pisanggěm pananggoeng boekti, dikintěn saparapat djam, těras sadajana doegi, kana sisina tětělar, tanahna rata toer rěsmi.
- Horeng tětělar teh kitoe, tanah datar loehoer pasir, boeboelak lěga majakpak, pantěs patilasan nagri, nagara djalma baheula, noe kontjara gagah sakti.
— 175 —
