Pantěs boga djimat kitoe, sababna HIDAJAT SJARIF, salianna ahli tapa, tĕrah Nabi noe sinělir, kapan SANG HIDAJATOE'LLAH, poetra Ratoe Banisrail.
Ari eta Kangdjĕng Ratoe, poetrana DJOEMADILKABIR, poetoena DJOEMADILKOEBRA, djadi boejoet ZENA'LKABIR. ZENA'LKABIR poetra DJA'FAR, noe katĕlah DJA'FAR SIDIK.
DJA'FAR SIDIK anoe mashoer, poetrana ZENA'L'ABIDIN, djadi boejoet Rasoeloellah, poetra SAJID HOESEN SJAHID. SAJIDINA HOESEN AKBAR, poetra SAJIDINA ALI
Ti FATIMAH poetra Rasoel, mana pantes rek lineuwih. němbe salapan toeroenan, ti Goesti Rasoel sinělir. toeroeg-toeroeg ahli tapa, tapakoer djeung meuseuh diri.
Oerang ganti noe ditjatoer, sigeug noe di djĕro tjai. kotjap para Wali Djawa, oerang pĕdar hidji-hidji, noe mimiti SOENAN BONANG, Wali asal tědak Měsir.
Ieu Wali poetoe Rasoel, satĕran djeung SAJID KAMIL, toeroenan DJOEMADI'LKOEBRA, toeroen-toeroen tiaki. DJOEMADILKOEBRA poepoetra. SJECH SAMSOE TRES wawangi.
Di Tjěmpa djoeměněng wikoe. mashoer paita astakin. garwaan ka poetri Tjěmpa, djěněngan SOEDJINAH pori, poepoetra paměgět doea, karasep manis rěspati.
Sinom.
Tjikalna TOEBAGOES RACHMAT. nja SOENAN AMPEL noe moersid, boengsoe TOEBAGOES ALIMAN. doeaan ka Madjapait, niat ngislamkeun Goesti, tapi Sang Ratoe teu asoep, kana Agama Islam, tětěp kana Boeda moehit. ngan masihan poetri ka TOEBAGOES RACHMAT.
Poetrana ARIA TOEBAN, RADEN RACHMAT toeloej ngantjik, doedoekoeh di Ampel Dĕnta, geus aja paidin Goesti. moelang Agama Nabi, taja noe ngaharoe-haroe, geus kongas sa-rat Djawa, goeroe noe loehoeng lineuwih, geus kamashoer SOESOEHOENAN AMPEL DENTA.
- 317 -
