100
Sanggeus lědjar, Binjamin ngaladjĕngkeun deui tjarios něpi ka arandjeunna djaradi djalěma deui noeloengan nji poetri sarta nji poetri ijasa deui sasaoeran, koe tjaroge dimoelija-moelija dianggo djimat paripih, tidinjamah ngan goemoedjěng bae.
Radja sěpoeh istri paměgět, barang tamat Radja poetra Binjamin tjatjarios naekkeun bandera, djoeng ngaděg sarta ngangkat doewa panangan, tanggah ka loehoer nganoehoenkeun ka noe moerba wisesa reh ijeu kalakoewan sae panoengtoengannana.
Sanggeus meunang tiloe boelan, Radja mantoe amitan moelih tina mělang ka nagara. Lahir ramana: Hade! běněr bisi koemaha onam!
Ajeuna kahajang ama kijeu: IJeu doeloer-doeloer anak tjikal koedoe moelang deui ka babakan, noeloejkeun nagara Wanadjaja, manehna djadi Radjana, doeloer tiloe ngabelaan djadi patih djeung djadi ponggawana, parabot kaprabon oerang pada noeloengan; anak noe opat ngabelaan nji poetri, noe opat deui kaopat Binjamin tjitjing didijeu noenggoewan ama, reh ama geus kolot.
Radja mantoe oendjoekannana sakalintang ngiringan rěmpag pisan. Enggalna Radja sěpoeh istri paměgět ngĕrsakeun angkat, sapěrkara ngadjadjapkeun nji poetri, bari sakalian ngadjěněngkeun Radja di nagara Wanadjaja, nja eta noe didjěněngkeun Radja poetra noe tjikal teja.
Katjatoerkeun geus bral djĕngkar tikěl doewa aleutan ti kapĕngkĕr, sabab ajeuna aleutan doewa nagara, tambah djalma reboe-reboe mawa parabot, baris nambahan parabot ka parabon di nagara anjar; hanteu katjatoerkeun di djalanna, da djaoeh mo boeroeng tjoendoek, anggang mo gagal datang.
