80
manehannana koe sabab rěměn disěboet wantěr teu aja bandingna, tjitjing bae teu waktja jen lain dihadja, ngan seuri bae koe bawaning atoh, djadi poedjian sarereja.
Aki-aki geus něpi ka nagara sarta toeloej ngadeuheus ka patih, gek dijoek tjong njěmbah bari oendjoekan: Noen soemoehoen bĕběndoe abdi noe mawi oemeuheus bade aja pioendjoek ka gamparan. Saoer patih: Aja pioendjoek naon? Tjoba kaoela bědjaan! Toeloej aki-aki tjatjarita sakoemaha noe geus kapanggih, teu aja pisan noe kaliwat ; sanggeus tamat aki-aki njaritana patih ngadawoeh: Ajeunamah aki dagowan heula bae didijeu, kaoela rek ngadeuheusan ka Radja, aki oelah waka balik, bisi aja timbalannana koewa kijeu. Walon aki: Soemangga! Sanggeus dangdan ladjĕng raden patih angkat ka kadaton teu lila andjeunna soemping, geus mando pajoeneun Radja.
Toeloej patih oendjoekan ka Radja tjarita aki-aki teja, taja pisan noe kaliwat, kabeh geus kapioendjoek, sanggeus tamat patih oendjoekan, kandjěng Radja njaoer sarta bari sěmoe kagět: He ki patih eta tjarita aneh teuing, tjing eta toekang njijeun parijoek gagah, geura titah kadijeu; kami hajang geura njaho, eta bae aki noe poepoelih kadijeu teja geura sina balik njaloekan noe gagah poendjoel!
Raden patih tjong njěmbah barina loengsoer; patih angkat gagantjangan, teu lila geus soemping deui ka boemina, toeloej nimbalan ka aki teja: He aki geura los balik bae, eta toekang parijoek timbalan Radja koedoe kadijeu powe ajeuna pisan, oelah ěngke oelah isoek, Radja hojong oeninga roepana noe gagah poendjoel.
Aki-aki indit bari toeloej moelang, ari datang ka lěmboerna, ragok anoe pada nanja: Koemaha timbalan Radja? Anoe
