Ieu kaca geus divalidasi
110
pangunjukkeun ka kangjeng gusti,
neruskeun naon sabab,
istri opat puluh,
mana ngareureut leungeun,
jeung pariksa garwana Kitfirul Aziz,
saha kula nu salah.
atawana nya éta nyi putri,
anu matak kula dipanjara,
sapuluh tahun dibérok,
gancangna Bayus tuluy ngadeuheusan ka seri Mangenit
diunjukkeun sadayana,
sapanyebut Dén Yusup,
ku raja bol-bol kamana bungah teu nguluwut,
léar kalih,
nyaur tah éta jelema.Teges bener abli tabir ngimpi,
cedok nyembah,
Ki Bayus unjukan,
abdi gusti nu dibérok,
seja gaduh piunjuk,
naros éta pat puluh istri,
na kunaon purwana,
ngeureut leungeun rampung,
jeung pariksa Nyi Juléha,
saha nu mikahayang téh Nyi Putri,
atawa budak téa.Raja wali lajeng nyaur Kitfir,
miwarangan ngumpulkeun sadaya,
