Ieu kaca geus divalidasi
- Den Mas Rangga, di payun jadi hiji.
- Di payuneun eta gedong pangadilan, tingcorowok teu cicing, "Gantung nu kitu mah, jelema nu ngahina, ka pangagung kumawani, kudu diganyang, jelema henteu eling.”
- Dina sidang Hakim nyumpah pirang-pirang, nu baris jadi saksi, anu nyaraksian, asup Den Ayu Endang, urang warung oge ngiring, Mamang Mardawa, disumpah jadi saksi.
- Ronggonoto ku Hakim der dipariksa, nu ngadakwa perkawis, "Raden Ronggonata, sebat dakwaanana, naon tea nu geus jadi, sabab ngadakwa, mangga bade dikuping.”
- Ronggonoto sasauran angkuh pisan, jeung edeg ieu aing, ku sabab ngarasa, wireh diri anjeunna, anu yakin baris kenging, dina perkara, pasti dibantu hakim.
- "Anu mulya Juragan Hakim kaula, ngadakwa hiji jalmi, katelah ngaranna, Raden Jaka Taruna, kumargi geus kumawani, make ngahina, ka pangagung pribadi.
- Laku lampah ngalanggar hukum agama, kasusilaan istri, Den Jaka Taruna, geus nyangkeh pamajikan, jigana mun teu kapanggih, ku rombongan mah, dibawa kabur indit.
- Disuhunkeun ditibanan ku hukuman, ka nu ngalanggar tadi, hal kasusilaan, jeung ngahina agama, dihukum nu beurat pasti, anu saimbang,” ceuk Den Ronggo ka hakim.
- Hakim ngetrok meja sidang ku lantaran, di luar tingsaruwit, tinggorowok bedas, "Gantung! ... Gantung! .. . Si Jaka,” ngaganggu sidang nu tartib, kabeh jelema, beulian Ronggo tadi.
- Hakim teras ngamajukeun patarosan, ayeuna sidik ganti, ka Jaka Taruna, ’Raden Jaka Taruna,” Na bener geus nyangkeh istri/garwa Den Rangga, Raden Ayu Widuri?”
- Waler Raden Jaka Taruna, ”Nu mulya, nu leres hakim nagri, henteu pisan-pisan, nyangkeh soteh wanoja, nu dibawa kabur tarik, ku hiji kuda, ditewak ku sim kuring.”
- Saur Hakim, "Naha teu nyaho wanoja, anu disangkeh tadi, garwa Raden Rangga,” ”Henteu,” sanggem Den Jaka, ceuk
73
